სამაგისტრო სტიპენდიების პროგრამა 2018- 2019 დაიწყო [fr]

"სამაგისტრო სტიპენდიები 2018-2019" გახლავთ ერთობლივი სასტიპენდიო პროგრამა, რომელიც ხორციელდება საფრანგეთის მთავრობასა და განათლების საერთაშორისო ცენტრს შორის, 2015 წლის პირველ დეკემბერს განათლების საერთაშორისო ცენტრს, საქართველოში საფრანგეთის საელჩოს და კამპუს ფრანსს შორის გაფორმებული თანამშრომლობის მემორანდუმის საფუძველზე.

"სამაგისტრო სტიპენდიები 2018-2019" ქართველ სტუდენტებსა და კურსდამთავრებულებს სთავაზობს საფრანგეთში მაგისტრატურის საფეხურზე სწავლის გასაგრძელებლად სრული დაფინანსების მოპოვების შესაძლებლობას (ფრანგულ ან ინგლისურენოვან პროგრამებზე).

პროგრამის გასრულების შემდგომ დიპლომირებული მოქალაქეები დაბრუნდებიან საქართველოში და იმუშავებენ საქართველოში სამი წლის განმავლობაში.

პროგრამით მხარდაჭერილი პრიორიტეტული მიმართულებები გახლავთ:

  • სოფლის მეურნეობა
  • განათლება
  • ინჟინერია
  • ზუსტი და საბუნებისმეტყველო მეცნიერებები
  • სოციალური მეცნიერებები
  • ჰუმანიტარული მეცნიერებები
  • არქიტექტურა
  • საჯარო მართვა
  • მენეჯმენტი
  • სამართალი

იმისათვის, რომ შეძლოთ განაცხადის გაკეთება:

  • უნდა იყოთ დაინტერესებული სამაგისტრო პროგრამაზე სწავლის გაგრძელებით
  • უნდა ფლობდეთ ბაკალავრის ხარისხს, ან იმყოფებოდეთ დამამთავრებელ კურსზე
  • უნდა იყოთ მაქსიმუმ 30 წლის ასაკის
  • უნდა ფლობდეთ ფრანგულ ან ინგლისურ ენას

კანდიდატებს განაცხადის გაკეთება შეუძლიათ 2018 წლის 22 იანვრიდან 22 თებერვლის ჩათვლით, ელექტრონული სააპლიკაციო სისტემის მეშვეობით. ეწვიეთ განათლების საერთაშორისო ცენტრის ვებგვერდს.

PNG

გამოქვეყნებულია 23/03/2018

გვერდის დასაწყისი