COVID-19: საქართველოში შემოსვლის ახალი რეგულაცია საფრანგეთის მოქალაქეებისთვის [fr]

2020 წლის 15 სექტემბრიდან, საფრანგეთიდან მომავალი ყველა მგზავრი, საქართველოში შემოსასვლელად, ვალდებული იქნება, წარადგინოს ბოლო 72 საათის განმავლობაში ჩატარებული PCR ტესტის პასუხი.

შენიშვნა: მგზავრები, რომლებიც არიან საფრანგეთის მოქალაქეები ან საფრანგეთის რეზიდენტები, საქართველოში დაიშვებიან სავალდებულო კარანტინის გავლის გარეშე, იმ პირობით, თუ საფრანგეთიდან ან ქვემოთ ჩამოთვლილი ოთხი ქვეყნიდან ერთ-ერთიდან ჩამოვლენ პირდაპირი რეისით, თუ გამომგზავრებამდე ბოლო ორი კვირის განმავლობაში არ იმყოფებოდნენ რომელიმე სხვა ქვეყანაში და წარმოადგენენ ბოლო 72 საათის განმავლობაში ჩატარებული PCR ტესტის პასუხს.
  • ბოლო პერიოდში, ინფიცირების შემთხვევების ზრდა შესამჩნევია განსაკუთრებით ქვეყნის დასავლეთში და ზღვის სანაპიროზე. რეკომენდებულია სოციალური დისტანციისა და ჰიგიენის წესების დაცვა.

საქართველომ შეიმუშავა 5 ქვეყნის სია, რომელთა შორისაა საფრანგეთი (გერმანია, ესტონეთი, ლატვია, ლიეტუვა, საფრანგეთი) და რომლის მიხედვითაც ამ ქვეყნების მოქალაქეები ან რეზიდენტები 10 წლიანი ბინადრობის ბარათით (5 წლიანი არასრულწლოვანების შემთხვევაში) შეძლებენ საქართველოში შემოსვლას სავალდებულო კარანტინის გავლის გარეშე, იმ პირობით, რომ ჩამოვლენ პირდაპირი ავიარეისით (ან ამ ხუთიდან ერთ-ერთი ქვეყნის გავლით), ჩამოსვლამდე ბოლო ორი კვირის განმავლობაში არ ექნებათ სხვა ქვეყანაში მოგზაურობის ისტორია და წარმოადგენენ ბოლო 72 საათის განმავლობაში ჩატარებული PCR ტესტის პასუხს.

გამომგზავრებამდე მგზავრებმა უნდა შეავსონ სპეციალური ელექტრონული ანკეტა, სადაც მიუთითებენ მათი ბოლოდროინდელი მოგზაურობების ისტორიას.

რეგისტრაციის ფორმა ევროკავშირის ქვეყნების მოქალაქეებისთვის/რეზიდენტებისთვის, რომლებიც ჩამოდიან საქართველოში
განაცხადის ფორმა საქართველოში საქმიანი ვიზიტით ჩამომსვლელთათვის

საქართველოს ტერიტორიაზე შემოსვლამდე მათ აგრეთვე ჩაუტარდებათ თერმოსკრინინგი. 37°-ზე მაღალი ტემპერატურის შემთხვევაში, მგზავრებს შესაძლოა, უარი ეთქვათ ქვეყანაში შესვლაზე ან ხელახლა ჩაუტარდებათ PCR ტესტი მათივე ხარჯით. სიმპტომების შემთხვევაში, მათ მოუწევთ, ფასიანი სავალდებულო კარანტინის გავლა სპეციალურად ამ მიზნისთვის გამოყოფილ სასტუმროებში.

რვა დღიანი სავალდებულო კარანტინი, რომელიც ასევე ფასიანია, კვლავ ძალაშია ევროპის სხვა ქვეყნებიდან მომავალი მგზავრებისთვის ან ზემოთ ჩამოთვლილი ქვეყნებიდან მომავალი პიროვნებებისთვის, რომლებიც ვერ აკმაყოფილებენ პირობებს (PCR ტესტის ან მუდმივი ბინადრობის ბარათის არქონა). კარანტინზე უარის თქმის შემთხვევაში, საქართველოს ხელისუფლება უფლებას იტოვებს, არ დაუშვას ისინი თავის ტერიტორიაზე და დააბრუნოს მგზავრები მათი წარმოშობის ქვეყანაში.

შემსუბუქებული რეჟიმია გათვალისწინებული პირებისთვის, რომლებიც ზემოთ მოცემულ კატეგორიებში არ შედიან და საქართველოში საქმიანი ვიზიტით ჩამოდიან ; მათ ასევე ევალებათ, შეავსონ სპეციალური ელექტრონული ფორმა და საქართველოს ხელისუფლებისგან წინასწარ მოიპოვონ ტერიტორიაზე შემოსვლის თანხმობა, ასევე ყოველ სამ დღეში ერთხელ ჩაიტარონ ფასიანი PCR ტესტირება.

გამოქვეყნებულია 24/09/2020

გვერდის დასაწყისი